Síraksbók 6 frábær viska aðeins við gætum lært af þessu

 

Vinátta

⁵Fögur orð fjölga vinum
og ómþýtt mál vekur vinsemd fleiri.
⁶ Kunningsskap við marga skaltu halda
en veit einum af þúsundi trúnað þinn allan.
⁷ Vin skaltu reyna viljir þú vin eiga
og ver eigi fljótur til að veita honum trúnað.
⁸ Margur er vinur þegar honum hentar
en er hvergi nærri þegar að sverfur.
⁹ Aðrir eru þeir vinir sem í óvini breytast
og gera þér hneisu með því að ljóstra upp hvað olli.
¹⁰ Margur er vinur er þú býður til veislu
en er hvergi nærri þegar að sverfur.
¹¹ Þegar þér vegnar vel er hann sem hugur þinn
og segir þjónum þínum til.
¹² En gerist þér mótdrægt snýst hann gegn þér
og fer í felur sjái hann þig nálgast.
¹³ Hald þig fjarri fjandmönnum þínum
og vertu á varðbergi gagnvart vinum.
¹⁴ Traustur vinur er örugg vörn,
finnir þú slíkan áttu fjársjóð fundinn.
¹⁵ Traustur vinur er verðmætari öllu,
á engan kvarða fæst gildi hans metið.
¹⁶ Traustur vinur er sem ódáinsdrykkur,
sá sem Drottin óttast mun slíkan finna.
¹⁷ Sá sem óttast Drottin vandar val vina,
hann heldur sér að slíkum sem honum sjálfum líkjast.

Athugasemdir

[Birna M, 16.5.2008 kl. 18:46]

Ég keypti Apokrýfurnar fyrir nokkrum árum og þetta er nefnilega ekki svo alvitlaus lesning. Þarna má finna heilmikla visku.

[Jóhann Helgason, 16.5.2008 kl. 18:54]

Já þær eru margar þræl góðar eins ben siraks bók og  Tóbítsbók og Júdítarbók,  Barúksbók ,Viðaukar við Daníelsbók ,Makkabeabækunar þær eru í miklu uppáhaldi hjá mér

[Bryndís Böðvarsdóttir, 16.5.2008 kl. 21:11]

Verð greinilega að fara að lesa Síraksbók. Afar áhugavert það sem þú vitnar í hér að ofan.

[Rósa Aðalsteinsdóttir, 16.5.2008 kl. 22:49]

Hæ og hó. Jói minn, kærar þakkir fyrir þessi fallegu orð. Andrés ég held að Guðsteinn Haukur muni ekki brenna Biblíuna þó að hann sé ekki sáttur við allt í nýju þýðingunni. Ég er ekki heldur sátt en ég vona að ég verði aldrei svo illa stödd i lífinu að fara að brenna Biblíur. Fyrr má nú rota en dauðrota.

"Lát óma gleðihljóm og kveð við fagnaðaróp, þú sem býr á Síon, því að mikill er Hinn heilagi í Ísrael meðal þín." Jesaja 12: 6.

Shalom/Rósa

[Jóhann Helgason, 17.5.2008 kl. 13:29]

Apókrýfurna bækurnar eru bara mjög góðar í nýju biblíunni .

[Linda, 17.5.2008 kl. 19:35]

Elsku Jói minn, þetta var yndislegt, og svo mikill sannleikur í þessu.  Ég ætla að ræna þessu og setja á prívat bloggið mitt.

 knús

[Jóhann Helgason, 18.5.2008 kl. 01:01]

Ben siraks bók  er miklu upphaldi hjá Gyðingum þessi bók geymir svo mikla visku hún er æðisleg .

[Guðsteinn Haukur Barkarson, 19.5.2008 kl. 09:43]

Glæsileg færlsa Jói. Margt má læra af þessu.

[Guðsteinn Haukur Barkarson, 19.5.2008 kl. 09:45]

P.s. Andrés og Rósa, jú ef þessi villuþýðing kemur inn fyrir mitt heimili, þá nota ég hana sem brenni í næstu grillveislu. Svona fara menn ekki með Guðs orð. 

[Jóhann Helgason, 19.5.2008 kl. 23:30]

Já takk kærlega fyrir það Haukur.

[Jóhann Helgason, 19.5.2008 kl. 23:35]

Já hún yrði grilluð þínu heimili" Svo hún yrði ekki eins beisk og  í Esekíel þá má alltaf nota salsa sósu